چارەنووسی نادیاری ٣٠٠٠ کوردی ئێزدی

گرووپی تیرۆریستی داعش لە ساڵی ٢٠١۴ هێرشی کردە سەر ناوچەی ئێزدی نشینی عێراق و وێڕای کوشتنی هەزاران کوردی ئێزدی، چەند هەزار ژن و کچی دیل کرد.

نیویۆرک تایمز ژمارەی ون بووانی ئەم ڕووداوەی ٣٠٠٠ کەس ڕاگەیاندووە و وتوویە وێدەچێ زۆربەیان گیانیان لە دەست دابێت.

سەدان کەس لەم دیل کراوانە لە وڵاتانی تورکیا و سووریا دیلن و خاوەنەکانیان بۆ ئازاد کردنی ئەوان ۶٠٠٠ دۆلار پارەیان دەوێ بەڵام کێشە ئەوەیە زۆربەی ئێزدییەکان ئاوارەن و کاروپیشە و داهاتیان نییە.