سه شنبه ۴ آبان ۱۴۰۰

دەمیرتاش: لە سزاکانی ئێوە ناترسم

یکشنبه - 10 اکتبر 2021
دەمیرتاش: لە سزاکانی ئێوە ناترسم

سەلاحەدین دەمیرتاش لە دۆسیەی سووکایەتی کردن بە سەرۆککۆمار وتی: لە سزاکان ناترسم و ئەم سزایانە تا کاتی هەڵبژاردن دەخاینێت.

سەلاحەدین دەمیرتاش هاوسەرۆکی پێشووی هەدەپە لە دانیشتنی دادگادا ڕایگەیاند کە لە سزا ناترسێت و ئەمانە تا کاتی هەڵبژاردن درێژەی هەیە.

یەکەمین دانیشتنی لێکدانەوەی دۆسیەی سەلاحەدین دەمیرتاش بە تاوانی سووکایەتی کردن بە سەرۆک کۆمار لە وتەدانی ٢٠١٤ و ٢٠١٦ لە پارێزگاکانی ئەنقەرە، ئەمەد، ماردین و مێرسین، لە دادگای ١٤ی کەیفەری مێرسین بەڕێوە چوو.

دەمیرتاش بۆ بەرگری لە خۆی وتی: لەو کاتەدا من سەرۆکی حیزب و نوێنەری پارلەمان بووم و سکاڵاکاریش سەرۆکی حیزب و سەرۆک کۆمارە. کەواتە من بە تاوانی گوتارێک سزا ئەدرێم کە هەردوو لایەن لە بەرانبەر یەکتردا بەکاریان هێناوە.

ئەو وتیشی: لە سەردەمێک لە مێژووی تورکیا داین کە دۆسیەی زۆر لە سەر سووکایەتی کردن بە سەرۆک کۆمار هەیە. لەم سەردەمەدا ١٣٨ هەزار دۆسیە بۆ ئەم تاوانە پێک هاتووە و ٣٠ هەزار کەس مەحکووم کراون. ئەمە نیشاندەری ئەوەیە خەڵک ڕەخنەی زۆریان لە سەرۆک کۆمار هەیە.

ناوبراو وتیشی: من لە سزاکانی ئێوە بە تاوانی سووکایەتی کردن بە سەرۆک کۆماری تورکیا ناترسم.


پرینت اشتراک گذاری در فیسبوک اشتراک گذاری در توییتر اشتراک گذاری در گوگل پلاس