سەمفۆنیای شێوەزارەکان یان تووکەتووکی بێناوەرۆک؟ سڕینەوەی ئەویدی و ناسنامە لە زنجیرەی نوون خێدا / بەختیار سەجادی
سیلڤیا پلەت لە شیعری «خاتوو لازارووس»دا، کاتێ وەسفی ساتەوەختی زیندووبوونەوەی خۆی پاش سێهەمین هەوڵی خۆکوشتنی دەکات، دەنووسێ: «خەڵک بە دەم ترووکاندنی گوڵەبەڕۆژەوە هێرش دەهێنن/ بۆ ئەوەی ببینن چلۆن دەست و پێی من دەکەنەوە». ئەم ئاماژەیەی پلەت بۆ گوڵەبەرۆژەخۆرەکان یەکێکە لەو وێنەسازییە جیدیانەی دنیای ئەدەبیات کە تێیدا گوڵەبەڕۆژەخۆرەکان وەکوو کەسانی بێخەبەر و کەممایە و تەنانەت گەمژە