نێچیرڤان بارزانی گه‌یشته تاران؛ پرسی ئه‌منی ته‌وه‌ری سه‌ره‌کی ده‌بێت
نێچیرڤان بارزانی سه‌رۆکی هه‌رێمی کوردستان گه‌یشته تارانی پایته‌ختی کۆماری ئیسلامی ئێران. هه‌ردوو جێگره‌که‌ی سه‌رۆکی هه‌رێم (جه‌عفه‌ر شێخ مسته‌فا) له پشکی یه‌کێتیی و (مسته‌فا سه‌ید قادر) له پشکی بزوتنه‌وه‌ی گۆڕان هاوڕێیه‌تی سه‌رۆکی هه‌رێم ده‌که‌ن له‌م سه‌ردانه‌دا.
له حکومه‌تیش، رێبه‌ر ئه‌حمه‌د وه‌زیری ناوخۆی هه‌رێم به‌شداره، ئه‌مه نیشانده‌ری ئه‌وه‌یه ته‌وه‌رێکی سه‌ره‌کی گفتوگۆی نێچیرڤان بارزانی له کۆماری ئیسلامی ئێران په‌یوه‌ندی به دۆسیه‌ی ئه‌منییه‌وه هه‌یه.
فه‌وزی هه‌ریری سه‌رۆکی دیوانی سه‌رۆکایه‌تی هه‌رێم و دڵشاد شه‌هاب وته‌بێژی سه‌رۆکایه‌تی هه‌رێم ئه‌ندامن له وه‌فده‌که‌دا.
بڕیاره نێچیرڤان بارزانی له گەڵ ڕێبەری باڵای کۆماری ئیسلامی ئێران و ئیبراهیم ره‌ئیسی سه‌رۆک کۆمار و محه‌مه‌د باقر قاڵیباف سه‌رۆکی په‌رله‌مانی ئێران جاوپێکەوتن بکات.
سه‌ردانی نێچیرڤان بارزانی بۆ تاران، له‌ماوه‌ی سێ ساڵی رابردوودا یه‌که‌م سه‌ردانه، نێچیرڤان بارزانی سه‌رباری ئه‌وه‌ی سه‌رۆکی هه‌رێمه، جێگری سه‌رۆکی پارتی دیموکراتی کوردستانیشه، بۆیه سه‌ردانه‌که‌ی وه‌کو سه‌ره‌تای قۆناغێکی نوێی په‌یوه‌ندی له‌نێوان پارتی و ئێران ته‌ماشا ده‌کرێت.
سایتی سه‌رۆکایه‌تی هه‌رێمی کوردستان له سیڤی نێچیرڤان بارزانیدا باسی له‌وه‌کردووه، نێچیرڤان بارزانی لە بەشی زانستە سیاسییەکان لە زانکۆی تاران دەستی بە خوێندن کردووە، بەهۆی هەندێک هۆکاری سیاسی و تایبەته‌وه نەیتوانیوە درێژە بە خوێندن بدات، به‌ڵام زمانی فارسی به پاراوی ده‌زانێت.
هێشتا دیارنیه ئایا فارسییه پاراوه‌که‌ی نێچیرڤان بارزانی ده‌رگایه‌کی نوێی په‌یوه‌ندی درێژخایه‌ن له‌نێوان پارتی و ئێران ده‌کاته‌وه یاخود ته‌نیا سه‌ردانێکی ته‌کتیکییه بۆ تێپه‌ڕاندی قۆناغی ئێستا.
سه‌ردانه‌که له‌کاتێکدایه، سه‌رۆکی هه‌رێم ئاماده‌کارییه‌کانی بۆ دواخستنی هه‌ڵبژاردن ته‌واو کردووه‌و بڕیاره دوای گه‌ڕانه‌وه‌ی له تاران بڕیاره‌که‌ی رابگه‌یه‌نێت.
له‌کاتێکدا نێچیرڤان بارزانی رووی له تاران کردووه، بافڵ تاڵه‌بانی سه‌رۆکی یه‌کێتیی له ئیماراتی عه‌ره‌بی بینراو له‌رێگادایه به‌ره‌و ویلایه‌ته یه‌کگرتووه‌کانی ئه‌مریکا. یه‌کێتیی دژی دواخستنی هه‌ڵبژاردنه، به‌ڵام هێشتا دیار نییه ئه‌م دژایه‌تییه تا کوێ ده‌ڕوات، یه‌کێتیی له حکومه‌ت ده‌کشێته‌وه یاخود نا؟
برچسب ها :
ناموجود- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
- نظراتی که به غیر از زبان فارسی یا غیر مرتبط با خبر باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : ۰